Poslovne vesti - Makedonija

ХЕЦ "Тиквеш" го запре производството

ХЕЦ "Тиквеш" деновиве го запре производството, бидејќи котата на Тиквешкото Езеро е околу 240,3 метри од максималните 265 или на 8 метри над минимално дозволената кота.

Според директорот на ХЕЦ Тиквеш", Звонко Бошков, иако има можност да се работи и понатаму во согласност со законот, сепак, раководството одлучило производството да мирува и да се почека во наредниот период да има нови дотоци на вода во езерото.

Бошков вели дека од планираните 131 милион киловат часови оваа година, досега биле произведени 44 милиони киловат часови.

- Лани имавме рекорд на произведена електрична енергија овде, кој изнесуваше 327 киловат часови, но за жал дотоците на вода годинава се за 24% помали од просечните. Во просек кај нас доаѓаат 25 кубни метри во секунда, а годинава таа бројка се спушти на 17 - рече Бошков. Тој појасни дека за хидроцентралите правилото е да се работи со максимални коти за да се постигне поголем резултат во работењето.